Die jaar was regtig 'n uitdaging vir my. Die Ou Testament het my net meer en meer geleer van God se liefde. Dit is so belangrik dat ons dit glo en verstaan. Die Here was nog altyd getrou gewees en het Sy mense oor en oor vergewe en nog kans gegee.  David het Hy lief gehad ten spyte van als wat hy gedoen het. God kyk na ons harte en Hy ken ons so goed. Hy het David Sy vriend genoem!

God is altyd goed en dit is vir my moeilik om dit te snap, omdat ek altyd liefde wil verdien, maar God gee en gee en gee net. Hy is lankmoedig en jy kan nie Sy liefde verdien nie - Hy gee dit.

Omdat Sy kinders so gesondig het, het Hy hulle gestraf om hulle te leer, maar Hy het steeds soveel wonders vir hulle gedoen. Dit is so fantasties vir my om te leer dat God doen wat Hy sê en Hy trek nie Sy Woord terug nie. Ek is dankbaar en het 'n vrees vir God want Hy is in beheer van alles.

Dankie vir hierdie jaar. Baie dankie dat julle ons leer met die kennis wat julle het. Dis 'n vooreg om deel te wees van die opleiding.

God seen julle,

Groete
Vicky

Dinsdae met Micha & Kie

Die Heilige Gees plaas 'n honger in elkeen van ons om nader aan God te beweeg, en hoe anders as om in die Woord van God in te klim en dan die swaard van die Gees te kan opneem om siele te wen. Wat 'n voorreg om 'onnies soos Micha, Dr Chuck, John, Elmien, Nicolette en vele meer te hê wat ons leer met hulle eie unieke metode.

Aanvanklik was die leermetode 'n gewoond-word proses, aangesien ek die Bybel vir pitkos gebruik het in plaas daarvan om dit te bestudeer. Om een hele Bybelboek te lees verg nogal deursettingsvermoë, ek praat nou nie van die 'Philemon's nie, maar van die langes soos 'Deuteronomy'. By die deeltydse Bybelkollege is daar nie tyd om ge'spoonfeed' te word nie en voel dit soms soos 'n mallemeule rit. Selfstudie, die lesings en notas help om 'n mens op die regte pad te hou.

Dit is vir my asof die Woord my ingesuig het. God se genade en liefde vir ons roep so duidelik uit die Woord uit. 'Enjoy the ride'.

Die afgelope twee jaar in die Bybelskool was ’n baie besonderse ervaring.

Nie net het ek spesiale mense ontmoet nie, maar ook gegroei in my geestelike lewe. Ek het meer van die Woord geleer en die belangrikste van alles – ek het die hart van ons Heer geleer ken. Ek kon nader aan Hom beweeg en my afhanklikheid van Hom bevestig.

Elke Dinsdagaand is ’n ervaring en sien ek uit na elke klas wat aangebied word. ’n Mens is moeg van ’n dag se werk, maar jy word so verryk deur die Gees dat jy nie agterkom hoe vinnig ’n aand verbygaan nie.

Dankie aan elke persoon wat klas gegee het, dankie aan Micha en John en baie dankie aan my klasmaats vir twee baie besonderse jare in my lewe.

Wat is die karakter van God? Dít is die wonder wat geopenbaar word tydens die in-diepte studie van die Bybel, soos wat ons dit ontvang het die afgelope twee jaar! God is nie meer 'n misterieuse, onbekende "celebrity" in my lewe nie. Hy's eg en karaktervas deur al die eeue heen. Die enigste God van liefde! Daarom dat Christus vir ons sondes kom sterf het en daarom kan ons volkome op Hom vertrou!

Die geskiedenis, profesieë, gelykenisse en seënwense in God se Woord gryp my nou deurlopend aan die hart. Ek lees nou met 'n korrekte begrip vir die tydperk waarin dit geskryf wasl wat die inhoud van die boodskap vir die oorspronklike leser beteken het en hoe dit vir ons vandag van toepassing is.

Salig!